இயற்க்கை வரலாற்று சிறப்பு மிக்க கொல்லிமலை சாரலில் எழில்கொஞ்சும் பசுஞ் சோலையின் குளுமையிலே மெய் சிலிர்த்து நிற்கும் கனிகளும் பல வண்ணப்பறவைகளின்; இசை கானங்களின் இனிமையும் ரீங்கார வண்டுகளின் நாதத்தோடு உரசுகின்ற மலர்களும் மூலிகை, மரம்,செடி, கொடி மலர்களின் நறுமணத்தோடு நனைகின்ற தென்றலும், மேகங்கள் மோதுகின்ற மலை முகடுகளின் உச்சியில் ஊறுகின்ற நீர்சுனைகளின் ஜீவிகளின் சரணாலயமாகவும் தன்னை அறிவிக்கும் தவச் சாலையாகவும், உயிர் மூச்சுக்காற்றின் ஆக்சிஜென் வங்கியாகவும் கிராமிய கலாச்சாரத்தை உயிர்பிக்கும் வகையில் மலைகளின் மடியில் தவழ்ந்திடும் வளமாய் அமைந்தது தான் ஓம் குருவனம். நவகோடி சித்தர்களின் அருளாட்சிக்கு உட்பட்ட சித்தர்களின் புனித பூமியே ஓம் குருவனம்.

இந்தியாவிலேயே மிக உயரமான அருள்மிகு குருபகவான் தட்சிணாமூர்த்தி சுவாமி கோயில் கொண்டு அருள்பாலிக்கும் புண்ணிய பூமியே ஓம் குருவனம். ஜகத்குரு ஆதிசங்கரரால் முறைப்படுத்தி உபதேசிக்கப்பட்ட ஷன்மத கோவில்களை தன்னகத்தே கொண்ட தெய்வீக பூமி ஓம் குருவனம்.